>>Dziynkuja za pocieszynie!
>> Przeproszoom, rze dopiyro terozki uodpisuja, ale jes nos tu w jednyj
>>izbie trzech do jednego koomputera, a moje kolegi ukuodajoom plan i
>>zajmujoom koomputer uod rana do wieczora. Dzisiej jeszcze ich niy ma i
>>moom troha wolnego.
>> Martwi mie, rze sporo ludzi na S'loonsku, a morze nawet wiynkszos'c',
>>jurz nos za S'loonsk niy uworzo. Wielu ludzi mys'li, rze S'loonsk
>>koonczy sie w Tarnowskih Goorach, bo tam koonczyuo sie katowickie
>>wojewoodztwo i okryng przemysuowy.
>> A tymczasym Lubliniec zawsze nolerzou do S'loonska. W naszyh okolicah
>>S'loonzoki soom wiynkszos'cioom. Ziymia Lubliniecko to S'loonsk wiejski,
>>podobny do tego, uo kierym pisou ks'. Szymik. Niy byuo u nos wiynkszyh
>>migracjoow ludnos'ci. Bes to jo by sie niy nazwou uostatnim aborygynym,
>>bo u nos caue wsie godajoom po s'loonsku (hoc' i to sie poomau zmiynio).
>> Zawsze hcieli my nolerzec' pod administracjo na S'loonsku. Dwa razy
>>byuy zbiyrane podpise, ludzie nazbiyrali, uo wiela wiym, pod
>>dwadziys'cia tysiyncy podpisoow (w powiecie miyszko 80 tys'.). Po roku
>>1990 dymokratyczne samorzoondy tyrz proobujoom cos' w tym kierunku
>>robic'. Udauo sie niydowno przeniys' wszyskie szkouy spod zarzoondu
>>kuratorium w Czynstohowie pod zarzoond kuratorium w Gliwicah. To durzo,
>>bo szkouy soom bardzo warzne.
>> Ale jes no za mauo, rzeby ftos' nos usuyszou i sie z nami liczyu. Bes
>>to jak sie ino do, proobuja naguosnic' ta sprawa. Katowice, Gliwice,
>>Rybnik, Opole muszooom uo nos pamiyntac' i nos popiyrac', a niy mys'lec,
>>rze S'loonsk to ino kopalnie i huty.
>> Sprawa uokryngu wyborczego sama by sie uozwioonzaua, jak by wprowadzic'
>>wiynkszos'ciowo uordynacjo wyborczo i jednomandatowe uokryngi wyborcze.
>>Tako uordynacjo zmiyniyua by tyrz durzo na lepsze w cauyj Polsce, bo
>>poseu byu by wybiyrany bardzij bez ludzi a mnij z mianowanio partyjnego.
>> Moom nadzieja, rze nasz S'loonsk jeszcze niy jes stracoony. Ino muszymy
>>miec wiyncyj moondryh i wyksztaucoonyh ludzi. Muszymy uporzoondkowac i
>>skodyfikowac' jynzyk. To jes nojwarzniejsze, warzniejsze uod procesu w
>>Strasbourgu uo narood s'loonski. Arz mie dziwi, rze S'loonzoki, kierzi
>>podobno majoom zamiyuowanie do porzoondku godajoom i piszoom byle jak. I
>>morzymy to wszysko zrobic' bez uobrarzanio i atakowanio soomsiadoow.
>>Morzymy to zrobic' jak Kaszuby, kierzi zadbali uo jynzyk a niy wdowajoom
>>sie w zwady. Jak bydziymy miec jynzyk, ani Czynstohowa, ani rzodyn nic
>>niy poradzi i nasza kultura bydzie miaua szanse sie uostac'.
>>
>>To tyla.
>>Pozdrowioom Wos serdecznie!
>>
>>Joozek Kulisz