Rostomiyuy Joozku !

Moga chyba tak do Ciebie godac'?

Jo Ci Wala za jedno, Ty mi za dwoje. Trocha rzech sie cuu jak za bajtla, kedy tyrz rzech sie tak zwrocou do starszych.

A za dziecka suyszou rzech zwroty i za troje: Uoni byliby tacy dobrzy.

Dej sie spokooj, ryp mi za jedno.

Tak jak Ty godosz uo relacji jynzykowyj miyndzy starszymi, godajoncymi po s'loonsku, a dziec'mi, kerych chcieli przysposobic'
do porzondku "prawnego" kery panowou i kerych ucyli jynzyka obecnyj "administracji", tak i jo sie przypominom, rze jak Uojcowie
chcieli przedymnom cos' powiedziec' cobych jo niy rozumiou, to godali po niymiecku! Do dzisioj niy wiym cymu i nie rozumia po co?
Przeca mogli mie ucyc' trzeciego jynzyka, kery przeca dobrze znali. Boua to chyba postawa "przychlybka" wobec otaczajoncyj
rzeczywistos'ci, kero ich przerostaua i zastroszaua.
Jo jednak mys'la rze trocha chcesz unaukowic' problym. Nasi przodkowie niy umieli pisac' ale sie porozumiywali.
Prakryka jynzyka boua tu nojwarzniejszo. Przeca zapis to jest ino pewno umowa. Mogymy sie pryntko umoowic'
i pisac', tak jak my uoba to robiymy. Jo umia zrozumiec' Ciebie, a Ty chyba rozumisz co jo do Ciebie pisza?
Jak tyn problym domy unaukowic', to momy go z gowy przez nojblirzsze sto lot!

Nojwarzniejszo jest praktyka. Reszta sie wyguadzi i unormuje.

Trza godac' i ta godka zapisywac'! Jak fto mo chyn'c', to bydzie praktykowou, bo cuje wewnyntrzno potrzeba.

Reszta bydzie ino marudzioua i nic dali niy zrobi, tak jak przez te 600 lot co jurz je momy za sobom.

Szkoda korzdyj chwile.

Godejmy i zapisujmy co sie do, byle fonetycznie, a fto sie zno na kodyfikacji niych te nasze godki poprawio.

My muszymy im dac' tworzywo, kerego nasze dzieci jurz im niy dajom. A bez tego nic niy zrobiom.

Nojwyrzyj sie powadzom uo niyistotne szczeguuy i spaprajom wszystko.

Cas ucieko, a to jest nojwiynksze zagrorzynie.

Dziynkuja Ci za Twoje racje, przyjmuja je i byda nad niymi medytowou.

PYRSK !

ANTEK