Witej mooj rostomiyuy Szwagerku !

Jednak Ty ciyngym uogloondosz sie za sia!

Pytom sie po co !

Jerzes' tam w niyznanyj nom przeca przeszuos'ci uwionzany jak pies przy budzie?

Czy wolnos'ci mosz w sobie ino tyla, wela jest tego "historycznego" lan'cuha na kerym Cie trzymajoom?

Abo Ty som hcesz byc' na niym krootko uwionzany?

Ino pamiyntej, rze nawer nojuostrzejszy pies przy budzie, kery na wszystkih szczeko i warczy, kery niy uznowo rzodnago w imie interesu swojigo pana i zdo sie rze hciouby na cudzego skoczyc' razym z tom budom kero mu wuas'ciciel postawiou, som niy wiy co ze sobom zrobic' jak sie go spus'ci z tego lan'cuha!

Uon czynsto ino pokazuje swoja groz'nos'c' cudzym, puki cuje tyn lan'cuh.

Bez niego stowo sie pogupiauy, niy wiy co ze sobom poczon'c', stowo sie potulny dlo korzdego, kery mu podaruje miska ze strawoom i nowo buda ze nowym lan'cuhym.

Ta alegorio ze uwionzanym psym niy dotyczy w rzodyn sposoob i w rzodnyj mierze Ciebie.

Posurzoua uona mi ino do tego coby Ci pokozac' psyhologiczne uograniczynia kere momy w sobie, a kere dlo inkszyh, z zewnontrz wyglondajoom jak tyn pies przy budzie. I soom s'miyszne.

Uon czeko arz go wtos' przestawi razym z jego budom
i lan'cuhym. Bo niy mo inkszyj morzliwos'ci.

A co z Toboom ?

I tukej wrocoom do dyskusje uo jynzyku i "doppelliterah", jak je nazywosz. Jo by ih niy wys'miywou.

Idzie sie wyobrazic', rze dzieci we wspoouczesnym przedszkolu bawiom sie koomputerym.
A w takym przedszkolu je Twoje dziecko i sie niym bawi.

W niykeryh krajah to jurz je sztandard, bo to surzy celom edukacyjnym.

Wiym rze mosz durzo wyobraz'nie i umisz niom tyrz dojrzec' altyshajm, w kerym siedzi Twoja ciotka.

A Ty tukej lotosz za hlebym.

Hcioubys', tak jak Twoja mama pedziec' cos' dziecku uod serca. A uod serca goodo sie jynzykym serca.

Ze ciotkoom hcioubys' poklahac' uo tym co sie dzieje we
Twojih ukohanyh Uabyndah.

Fto sie uorzyniou, koomu sie urodziyuo dziecko, powspoominac' przyjocieli i znajoomyh.

Widzisz siebie przed swojym laptopym, na kerym piszesz jynzykym serca te spod niego wyjynte suowa ?

Jak posyuosz je y-majlym do swojih nojblirzszyh ?

Ih nowoczesne koomputery, wyposarzoone jurz soom
w gyneratory mowy.

Som gotowe, coby Twoje szktyflanie przekozac' wybranym
w rozwiniyntym myszkoom myni, Twojym sznapsbarytoonym.

A tukej sie uokazuje rze te maszynowe bydle niy rozroorznio we wymowie nic.
Zaczyno po jakymus' godac' "dom" zamiast "doom", hcesz pedziec' " mooj rostomiyuy", a uoon zaczyno " moj",
a reszty niy poradzi znolez'c' we swojym podryncznym suowniku gynerowanyh suoow.

Ciotki hcesz sie spytac' co z jyj "heksynszusym, co jyj wloz do krzyrza", a ze sieci dolatujom doo niyj errory i a do
Ciebie koomunikaty - fajlury.

Istny horror !

A wtedy uodzywo sie Twooj "Angelus" i sie Ciebie pyto:
"czymus' Ireczku niy popiyrou poszukiwanio zapisu jynzyka s'loonskego, kery moog speuniac' potrzeby S'loonzokoow, przyszue ih wymagania, uwzglyndniou lyniywo natura ludzko, uobecne i przyszue sztreki rozwoju s'rodkoow jego przekazu?"

Co mu hcesz uodpedziec' ?

Ale niy martw sie, to Ciebie niy dotyczy.

To jest ino mara.

Zacioongnou Cie tam na lan'cuhu Twoji wyuobraz'nie zas' tyn gupek - Antek, a Ty bydziesz ino miou skirz niego niypotrzebne wyrzuty sumiynio ?!

Ja, to je futurologia.

Ale czy tak uodleguo?

PYRSK !

Antek