Witej Irek !

Jo usuyszou uostatnio na spotkaniu w Gliwicah z Panioom Synator profesor Simonides we dyskusji, kero sie tam toczoua, rze niys'loonzokoom idzie uo to, coby po S'loonzokah uostauy ino nazwy . Nojlepi gyograficzne.

Jurz niywiela im do tego potrzeba. Bo jynzyk sie traci. Uostou ino w nos.

A nos je jurz wiyncyj poza S'loonskym, nirz na Niym.

My w naszyj propozycji pisownie niy hcymy rzodnyj zmiany nazwy miasta, ani Twojego, ani mojego, synsu strikte.

Te nazwy S'loonzokowi, abo jego dziecku poza S'loonskym, jak stamtoond niy pohodzom
i tak nic niy godajoom!

A jak sie jurz pokorzom w uosprowce, to majoom ino symboliczne znaczynie.
Som jedynie kanwoom dlo beranio uo S'loonsku, po s'loonsku dlo S'loonzokoow
w diasporze. I dlo nos samyh.

Jak moje symboliczne, ukohane Uogewniki S'loonske ! To je znak rozpoznawczy !

Przeca ih, takih jak jo je uopisuja jurz downo niyma!

Uone som ino w naszyj pamiyn'ci, pragniyniah, marzyniah.
Wielu robi wiela, coby bouy ino nazwom gyograficznom!

My sie jeszcze sprzeciwioomy, niy poddowoomy, ale jak dugo ?

Fto wtedy przehowie jadwigowe rycerstwo w pamiyn'ci, coby moguo powstac' jak bydzie trza?

A z drugiyj strony, powiydz mi, jak moje ukohane Uogewniki S'loonske majom historio tako jak Bytom i jego Mariacki kos'ciou, kery mo ponad 770 lot uod jego pos'wiyncynio,
i w Papiyrzowyj bulli som wymiynione po uacinie, to jako jo mom dloo nih stosowac' zapisywalno forma, kej piyrszo szkoua uobhodzioua u nos dopiyro 100 lot.
Morzesz sie cos' na tyn tymat poczytac' na mojym szaufynstrze.

Goodauo sie uogewniki, na wskozanie ludzi kerzy pewnikym (uood fahu tyh ludzi) zajmowali sie wyrobianiym uogwioow i tu miyszkali. Ale godauo sie "z mauyj litery".

Uogwie bouy potrzebne w korzdym mies'cie i dlotego z Uogewnikami mosz do czyniynio
i pod Krakowym, i pod Wrocuawiym, i pod Uodziom i pod wielu, wielu inkszymi miastami.

I wtynczos niy uoznaczauy uone nic inkszego, jak ludzi kerzi robiom fakle (uogwie).

To niy boua nazwa gyograficzno ino zawodowo (nazwa fahu).

Gyograficznom sie staua dopiyro jak sie straciyli ci kerzy umieli robic' fakle, abo jak uone jurz przestauy byc' potrzebne.

Przez te conajmniyj 670 lot, rzodyn tu niy umiou tego napisac'! Bo niy pisou wcale!

I uo co tu prowadzic' spoor?

Twoje Uabyndy piszom sie po polsku wiadoomo jak, po niymiecku pewnikym tyrz sie
jakos' piszom, a jak sie je Ty napiszesz po s'loonsku?

Jerzes' na polsko-niymieckiyj uwiyn'zi?

I jeszcze sie zastanoow czy ta nazwa doleci we wszystke stroony s'wiata, kaj teroski
soom S'loonzoki, a miyndzy niymi twoje przyjociele, w tyj Twojyj formie?

A jak niy, to co z tym zrobic' ?

My tyrz ino tu szukomy sposobu zapisowanio, ale pod potrzeby nowoczesnyh
s'rodkoow koomunikowanio.

Morze to jest tako samo rewolucjo na S'loonsku, a lepi by bouo pedziec' dlo S'loonzokoow na coukym s'wiecie, jak ta w wyniku keryj Reden zaczoon budowac' nowoczesne
struktury przemysuowe, sprowadziou i wprowadziou maszyny parowe do ploompanio wody, kero zalywaua guymbione kopalnie, abo jak Baildon, kery postawiou moc
zakuadoow hutniczyh i metalowyh, abo Godula twoorca i uorganizator , jak by to sie dzisioj pedziauo - przemysuu metali niyrzelaznyh i kopalnictwa?

Wtynczos boua to rewolucjo przemysuowo, kero tymi drogami i za sprawom tyh ludzi doo
nos wtynczos dotarua.

Dzisioj po latah widzymy jake to spowodowauo skutki dloo cauego regioonu i Europy.

Trza na to, co sie dzieje morze i za naszoom przyczynoom spojrzec' jak na nowo rewolucjo,
w keryj trza stworzyc' warunki do wspooudziauaniu wszystkih S'loonzokoow, bo czymu
uona miaua by ih uominon'c'?

Za jake grzehy?

Rze goodajom po swojymu i niy hcom stosowac' cudzyh, abo ograniczajoncyh ih komunikowanie trzcionek ?

To by bouo przeca s'miyszne. I rzodyn by nom tego niy wyboczou.

A morze koniecznie hcymy zatrudniac' przy naszyj goodce tuumaczoow po uobu stronah,
coby mogli na nos zaroobic' i wszystko podsuhac' uo czym godoomy i co hcymy robic' ?

Przeca nom couki czas hodzi uo ta rozproszono wiynkszos'c', s'loonsko diaspora, skirz tego, rze wiyncyj jurz nos je poza S'loonskym niz'li tukej.

Som miyndzy nami i z nami uod s'wiynta, jak wcale soom.
Przyjyrzdrzajom na jedne czy druge s'wiynta, na uodpust, abo jak teraz, na groby na Wszystkih S'wiyntyh.

I co ? Koniec uosprowki ? Koniec klahoow ? Koniec bliskos'ci ? NIY !!!

Tu niy idzie jurz jedynie uo przekazowanie goodki.

Jak hcesz we wspoouczesnyj Europie i s'wiecie cos' znaczyc', to niy morzesz byc' mauy.

Uona sama preferuje ino uodpowiednio sroge i mocne struktury, a przy tym nowoczesne,
zdolne koonkurowac' z inkszymi i we s'wiecie.

A jak rzes' je w rozproszyniu, to jak mosz rosnon'c' i zbiyrac' sie do kupy ?
Fto ci tu na miejscu poomorze sie unowoczes'nic' ?

Ryboki majom na zbiyranie do kupy ryboow - sieci.

My je tyrz momy, tyla rze sieci elektroniczne, telekomunikacyjne.

Dziynki niym niy muszymy wandrowac', na co i tak za bardzo niy momy hyn'ci i co za bardzo nom niy uodpowiado.

Bezto dejmy sobie szansa zintegrowanio i umocniynio.



A z tym pytaniym uo fahmanoow uod goodki i uo ih uopinio, to wedle mie je pytanie retoryczne ?

Pamiyntosz jak dugo trwauo stworzynie polskego uodpowiednika suowa "interfejs" ?

Hyba ze dwadziys'cia lot !

Jedne suowo - przy istniyniu tylu Uniwersytetoow, wydziauoow filologji polskyj, polonistoow - rodziouo sie dwadzies'cia lot !

Jo niy hca pedziec' rze s'nih soom wielke lynie.

Uoni tego suowa niy potrzebowali !

A ci co je potrzebowali ( informatycy, elektronicy ), to je mieli i do dzisioj stosujom, hoc' jest jurz dzisioj polski uodpowiednik.

Wyznowali zasada: "Umisz liczyc' ? Licz na siebie ! ".

Nom tyrz nic inkszego niy zostauo !

Jo dlo dobra wspoolnego podarowou ( pos'wiyn'ciou ? ) cos' z nazwy moji miejscowos'ci,
Ty morzesz podarowac' ( pos'wiyn'cic' ? ) cos' z nazwy swojyj.

Tak sie uosiongo komproomisy !

Hoc' znom wielu, co pociepli nawet swoje nazwiska, niy ino ih pisownia.

Czy wtynczas robiyli to dlo dobra wspoolnego ?

Jak my sie niy zdobydymy na komproomis, to sie dogodajom poonad nami !

A bouoby szkoda !

How sie.

Antek