Joozek, mooj rostomiyuy kamracie !
>
>Widza rze w Tobie je wiyncyj wontpliwos'ci i hyn'ci szukanio, tego co
>nazywosz "tym uo co Ci hodzi", nirz u mie.
>Inksi tyrz szukajom tego samego, a mys'la rze przyhodzi im to durzo
>ciynrzyj, bo przyszli na nowo ziymia,
>abo sie na nia kedys' tam downiyj udali.
>Jo hyba nigdy niy miou takih problymoow. Ze swojom s'loonskom postawom
>uobnosiou rzeh sie morze
>z gupoty, a morze z niywiedzy, abou braku wyrahowanio i wyrafinowanio, a
>morze z wewnyntrznyj poczeby?
>I hca Ci pedziec' rze nigdy niy miou rzeh z tym rzodnyh problymoow. A tym
>barzyj rzaloow, pretynsjoow cy jakis' negacje.
>
>Morze inksi dali mi spokooj i pozwolali cobyh w tym swojym realizowaniu
>s'loonskos'ci moog sie
>wyrzywac'.
>Trza pedziec' rze miou rzeh szczyn's'cie rze w tyj mojyj aktywnos'ci na tym
>polu rzodyn mi tak na prowdy niy zawodzou, a racyj mim pomogali.
>
>Szkoua zacon rzeh w swojih ukohanyh Uogewnikah S'loonskih rocnym starzym,
na
>podbudowie
>uogewnickego przedszkola, kaj miou rzeh wyhowawcoow, kerzy dbali i
>pielyngnowali moja s'loonskos'c'.
>
>Potym trefiou'h do muzycnyj szkouy w Bytoniu, bo przedszkolne wyhowawcynie
>znoduy wy mie muzycne
>uzdolniynie. Tam bou rzeh jurz niy ino miyndzy swojymi, ale tyrz miyndzy
>dziec'mi przybyszoow ze wshodu.
>Byuo tyrz miyndzy niymi pora dzieci rzydowskih. Tu zacono sie moje
wyhowanie
>na polu tolerancje
>wyznaniowyj, a wobec somsiectwa ewangelikoow, kerzy miyszkali na moji
>drodze, tyrz mooj ekumenizm.
>
>W lato jez'dziouo sie na wies' i tam przez pora miesiyncy w roku ubogacauo
>sie swoja s'loonskos'c'
>w rzyczliwym, przyjocielskim i rodzinnym uotoczyniu. Tam poznowou rzeh rze
>inacyj po s'loonsku
>godajom moje przyjociele ze strony uojca, kerzy miyszkali pod Turawom, a
>troha inacyj goodauo
>przyjocielstwo spod Uolesna, ze strony matki.
>
>Tu tyrz poznowou rzeh wiejske zwyczaje, zajyn'cia i ludzi.
>
>Morze miou rzeh ino szczyn's'cie, a morze uaska borzo, rze w tyh
>s'rodowiskah rzeh dorostou.
>
>W familoku do jednyh somsiadek trza bouo godac' per "frau" a do drugih per
"
>pani".
>I zas' rzodnyh problymoow, ani wontpliwos'ci, rze tak sie nolerzy i rze tak
>trza.
>Na tym polegauo moje IH poszanowanie.
>
>W szkole jo sie dowiadywou co to som pierogi, a som rzeh przynosiou
>krupnioki, rzymloki, branszwajger
>i wurst zupa z mojego domowego s'winiobicio. Bo wtedy przeca jeszcze sie
>howauo krooliki, kury, kacki,
>gouymbie, niy godajonc jurz uo s'winiah, baranah cy kozah.
>Bou to wynik niy ino biydy, ale wiyncyj wewnyntrzno potrzeba tamtyh
pokolyn'
>ludzi kerzy hcieli miec'
>przy familoku jakos' gadzina, cos' cym mogli by sie zajmowac' i cymu
>pos'wiyncali swooj cas.
>
>Jo moga pedziec' rze wyhowou rzeh sie na koziym mlyku, bo mooj Oupa, w
>piyrszym pokolyniu
>robotnik, niy ino rze howou rostomajto gadzina u siebie w haupce, niy
>pomijajoonc nawet hyndyka,
>ale coby miec' swooj futer dlo niyj, dzierrzawiou pole przy cygielni, uod
>Szwajnoha.
>
>Z hoorym dzieciyncym z naszyj szkouy jez'dziyli my po Polsce, po Zaolziu,
>kaj dociyraua do mie
>s'wiadoomos'c', rze moja s'loonskos'c' je rozumiano i za granicami Bytonia
i
>Polski. Jesce wtedy
>niy brou rzeh pod uwaga aspektoow politycnyh, bo niy bouy wtyncas jesce mi
>znane.
>
>W tehnikum s'loonsko opcja na tyla boua dominujoonco,rze moj kamrat z
klasy,
>Wuadek Zelek
>z Laskowyj kole Limanowyj, kery miyszkou w internacie, prowadziou sie
>prywatny suownicek
>s'loonskih suoow i na przerwah sie ih ucou, coby sie mooc lepi z nami
>pogoodac'.
>A niy bou uon ani piyrszy ani uostatni.
>
>A my im rzyczliwie pomogali. Widziou rzeh rze im barzij zalerzy coby
poznac'
>nasz i miec' z nami
>wspoolny jynzyk.
>
>Na Politehnice sie muwiuo, ale tyrz ino na piyrszym roku, bo potym jak my
>sie wzajymnie poznali,
>to zacyna sie goodka. Ino internatowym przyhodziouo to ciynrzyj, bo to
>zrozumiaue.
>Ale rzodyn z nih niy morze pedziec' rze niy dali my mu szansy zasmakowanio
>s'loonskiyj edukacje,
>niy pomijajonc tak znanyh dzis' ludzi jak Maryjan, kerego zno couko Polska,
>a kery bou na mojym
>roku i na studium wojskowym stowou przedymnom na bacznos'c'. Jo Go za to co
>roku witou
>w Piekarah, po s'loonsku. Jyno tego roku Go niy gouo.
>
>W robocie, noprzood na Bobku, trefiou rzeh na mauopolsko i kielecko kadra i
>s'loonsko zauoga.
>Z biegym lot proporcje sie poprowiauy na nasza korzys'c', bo czyn's'c'
>zauogi awansowaua, a modzi
>jak przyhodziyli nawet do kadry, to boua to nasza s'loonsko modo
>inteligyncjo.
>
>Pewnie rze bouy tyrz straty w tym s'loonskym potyncjale, bo niykerzy woleli
>wyjehac' za hlebym,
>za rodzinom, abo z niyprzystosowanio. Szkoda ih bouo, bo byli to
>nojczyn's'ciyj ludzie nojbarzyj
>s'wiadomi swojyj s'loonskos'ci, z bogatym rodzinnym ausztojerym, s'wiadomi
>swojyj powinnos'ci
>wzglyndym swojyj mauyj Uojcowizny.
>
>Jesce lepi rzeh trefiou w Energomontarzu, bo Chorzoow mo mocne w tym
>wzglyndzie tradycje.
>I hoc' zas' s'rodowisko bouo miyszane, to s'loonski rzywiou umiou wymusic'
>poszanowanie dlo
>naszyj tradycje i nawet przybysze z kran'coow Polski fajrowali tam
Abrahama.
>A stycznos'c'
>codziynno ze s'rodowiskym goorniczym powodowaua, rze nawer poza kopalniom
>wielu sie
>zdrowiauo pozdrowiyniym "Szczyn's'c' Borze".
>
>Teroski krynca sie w robocie po S'wiyntohlowicah i tu jurz caukym je rzeh u
>swojih.
>A morze je wzglyndym mie wiyncyj tolerancje w uotocyniu, kero sie biere z
>szacunku dlo mojih
>coroz siwszyh wosoow?
>
>Niy moga pedziec', bo byh zgrzyszou, rze mom jakes' problymy ze swojom
>torzsamos'ciom.
>
>I besto widza rze mom prawo, ale i uobowionzek starac' sie wspiyrac' w tym
>wzglyndzie inkszyh,
>kerzy tego poczebujoom.
>
>Fto potrzebuje, to jak ino byda moog, to mu pomooga.
>
>Hoc' niymodny je uodzyw na zawouanie i zapytanie - pomorzecie?
>
>Jo pomoga !
>
>
>Trzymej sie Joozek zdrowo i niy dej sie!
>
>PYRSK !
>
>Antek