W mojich ukochanych Uogewnikach S�loonskich momy jeszcze resztki nojlepszego na s�wiecie systymu komunikacyjnego!
Ale zacna uod pocontku.
W sobota moga durzyj polerzec� w uorzku, bo to wolny dziyn� uod roboty.
Tak przed dziewiontom leza na poupiyntro swojego familoka, tam kaj i krool chodzi
piechty, coby sie wyszcyrkac� i spotykom na siyni, przy uoknie na plac, Ulficka - sonsiadka z goory, kero wroco z kos�cioua, z rannyj mszy. Widza rze jest wielce podenerwowano i chce mi cos� zakomonikowac�.
Wsadziou rzech ino kluc do drzwi z haz�la, coby bouo wiadomo, rze zajynte i sochom Jom co mi mo do powiedzynio.
Suchej Antek, jeszcze niy moga przys� do siebie, tak mie znerwowali! Fto? Pytom.
Sztandziorze !!!
Wyobroz� sie, wyuarza z kos�cioua i jeszcze sie nuca maryjno pies�n�, a tu lecom w moja strona rozmajte nieprzystojne suowa, kerymi sie uokuodajom sztandziorze miyndzy sobom.
A poszuo im uo miejsce na place pod budy i sztandy!
Tyn krotki komunikat Ulficki, tyn SMS, wyjas�niou mi wszystko.
Bo tak jest praktycznie co roku.
Dwa tydnie przed uodpustym przyjyrzdrzajom do nos karasolniki.
Downiyj stawiali gondla i inksze karasole na goorce, na Targowisku, przy kon�cu Uogewnik, uod strony Chropocowa i Hubertusu, coby nie ino ucieszyc� uogewcan ale zwobic� dzieci
z sonsiednich miejsc.
Teras skirz tego, rze Targowisko zostauo zabudowane nowymi domami i pawilonami, stowiajom te machiny rozrywki na placu przy Bonkrze, przystanku tramwajowym kery nosi jego imie, choc� samego bonkra, elemyntu linii umocniyn� wojskowych sprzed uostatniyj wojny jurz downo niy ma, ale zostaua po niym nazwa.
Tam za domym kaj miyszko teraski moja ciotka Aniouka, na wolnym placu poros�niyntym trowom, stawiajom uoni swoje karasole i szisbudy.
Po nich, dziyn� przed uodpustym, przyjyrzdrzajom sztandziorze ze swojymi piernikami, makronami, kartofelkami, guminianymi jaszczurkami i szlangami, imbiyrowymi cukrowymi tabliczkami i innymi rozmajtymi suodkos�ciami. I zawdy jest wtedy swada miyndzy niymi uo miejsce pod budy i sztandy.
Korzdy grodzi i cajhnuje �swoj plac�. Sznoorkym, tas�mom, cy knytlami, kere potym podpiyrajom mu puociynne zadaszynie nad goowom, abo po prostu rozkuodo na tym �terytorium� swoje manele.
Korzdy chce byc� jak nojblirzy ko�cioua, bo tam mo nojwiynkszo szansa na udany handel
i zysk.
A rze korzdy mo jakegos� szwagra, abo kogos� z rodziny, co tyrz handluje po uodpustach, to proobuje dlo niego przybrac� w sonsiedztwie trocha miejsca � z perspektywami na sukces�. Szwager niykiedy jesce sprzonto swoje graty na poprzedniym uodpustowym miejscu, ale trza dlo niego przyszykowac� plac w sonsiectwie, bo to potym pomogo tyrz w handlu.
I tak korzdy grodzi na zapas.
Inkszym sie to nie podobo, bo som przez to dalij uod �cyntrum biznesu�.
Korzdy wiy, abo cuje intuicyjnie, rze musi byc� w �cyntrum biznesu�, coby przez niego moguy przepuywac� �strumienie uodpustowego piyniondza�.
I zacyno sie HAJA !!!

Wadzom sie, cajhnujom i uogrodajom te �swoje� maue place, choc�by to boua conajmniyj ich wuasnos�c�, ich uojcowizna.
A to przeca ino konsek chodnika i skrowek ziemi miyndzy nim i drogom, abo trocha szyrzyj, jak jest miejsce po jego drugij stronie, miyndzy chodnikym, a domym abo puotym.
Skrowek terynu, kery my, tubylcy, im uodstympujymy na chwila, na cas uodpustu.
Bo w Uodpust, nasza stowo sie droga, ta aleja miyndzy szpalerym sztandow i bud, ulica, kaj zamiyro wszelki ruch pojazdow i zawieszone zostowo dziauanie kodeksu drogowego
i coukego zwionzanego z niym prawodawstwa.
Kaj MY maszyrujymy po mszy, pozdrowiomy przyjocieli, us�miychomy sie ze zrozumiyniym do tych � co ze wschodu� przyszli i kerzy dopiyro uodkrywajom Uodpust, ucom sie Go
i poznowajom jego cudowne dlo psychiki dziauanie, ale i do tych �co przyjechali na biouych blachach� i skerymi jeszcze niydowno lotali my po Starych Blokach abo po Moskwie, a kerzy za uzdrowiyn�czym dziauaniym Uodpustu rajzujom co roku wiela kilometroow jak do zdrojowego badu.
I jak rzech tak suchou Ulficki, w tym naszym nojblizszym, familokowym cyntrum informacyjnym i usprawiydliwiou w mys�lach postympowanie sztandziorzow, wymuszone
�sytuacjom na runku�, pomys�lou rzech, co to zjawisko mo szyrszy wymiar.
Bo to niy ino sztandziorze �grodzom i cajhnujom�, wyznaczajom �swoje terytorium�.
Tak robi wielu. I gadzina.
Na NASZ PLAC, dalsze niyco cyntrum informacyjne nirz familok ( skuli uawki co na niym stoji i kaj uodbywajom sie inksze uosprowki i wymiana informacji ), niyroz przylatywou jakis� pies przybuynda ( a rze uon taki bou to korzdy wiedziou poza niym samym ) i zacynou cajhnowac� Go, jak �swoje terytorium�.
Kaj mog, to podnosiou noga i �cajhnowou�.
Korzdy roog familoka, korzdo rua z rynny, co drugi hlywik, uoba hasioki, puot z uogrodka od Skibiny, flider przy puocie, uawka na kery my siadomy, a nawet kouo czy drajrat jak stouy przed domym.
Tak bouo dotont, arz na plac niy wyleciou NERO, pies uod Cyrana.
Pies z naszego placu, �nasz� pies.
Jak uon wyparzou na nasz plac, zafyrtou zadniymi uapami arz ziymia leciaua, to pitauo wszystko co rzouo i sie ruszauo.
Uchowac� sie mog ino tyn co nie rzou, abo sie nie ruszou.
Piyrsze pitauy psy przybuyndy, ktoorych zapachu �cajhnowizny� niy moog strowic�.
Fto nie zdonrzou przed niym uciyc i schowac� sie w siyni, tyn mog ino s�ciyrpniynty udowac�
niyboszczyka. Ciho ftedy robiouo sie na placu, uopuszczonym przes dieci i starszych.
Nojwyrzyj mogli my wtedy zaglondac� przes okno na plac, jak NERO loto uod miejsca do miejsca, kere jeszcze nie tak downo �cajhnowou� pies przybuynda i je dilejtuje
( uniewarznio ) wuasnym �cajhnungiym�.
Tym zachowaniym pokazywou fto rzondzi na naszym placu.
I mimo rze Uon nikogo nigdy niy ugrys ani niy skrzywdziou rzodnego, wszyscy mieli przed niym wielki respekt i uznanie, bo Uon robiou to co do niego nalerzauo.

UODGANIOU PRZYBUYNDY !

Wiela tego typu �cajhnongow� spotykomy w rzyciu dzisiejszym i znomy z przeszuos�ci.
Korzdy co tu na chwila przyszou cy przyjechou, to zaros �grodziou i cajhnowou�.
Niy zawsze swoje.
Przes to momy wiela tych �cajhnongow�. Uo kere co chwila robi ftos� HAJA !!!
Chcecie przykuady?
Prosza Wos bardzo.
W Chorzowie wadzom sie uo Redena, a dokuadnie uo jego pomnik.
W Bytoniu s�ciepli S�wiyrczewskiego i postumynt z cerwonom gwiazdom.
Tu serwali tablica z nazwom ulicy.
Tam ze smyntorza zrobiyli park.

Ludzie kaj my som.

Trza nom chyba takiego NEROKA, coby zrobiou z tym porzondek na naszym
S�LOONSKIYM PLACU !

P.S.

Mys�la rze trza by wiyncyj uwagi pos�wiyncic�, uopisanymu ino w niywielkiyj
czyn�s�ci, nojlepszymu na s�wiecie, mojym zdaniym, tradycyjnymu systymowi informacyjnymu, kerego koncepcjo i udane aplikacje w przeszuos�ci tak skutecznie
komunikowauy s�lonzokoow miyndzy sobom. Niy zaiwiesiou sie w niym nigdy
systym uoperacyjny, a teorio kolyjek jest w idejalny sposoob realizowano, choc�by
za pomocom kluca do haz�la.
Tak po cichu mom nadzieja, rze weznom to na swoj warsztat chopcy naukowcy
ze S�lonskego Uniwerytetu bo majom jusz dos�wiadczynie. Zrobiyli przeca sesjo
uo roli i funkcjach naszego wynalasku - FAMILOKA.
A jest to warzne, coby jak sie mys�li uo tych sieciach lokalnych, globalnych
i metropolitalnych, niy zapomniec� uo tych wynzuach komunikacyjnych kere jurz som:
SIYNI, PLACU, UOGRODKU I INKSZYCH MIEJSCACH w kerych sie komunikujymy
w naszym JYNZYKU, PO S�LOONSKU !