|
|
S’wjoonteczne rzykanie do Tego kery jest
uo zdrowje
dloo nos couyj familije
uo maszkytne patrzynie na s’wjat
kerego tak noom brakuje
i taki tyrz humor
coby nos broonioou
przed s’lepotoom naszoom
i bier nasze zamotlanie uod gupot
kere soom jak djobou
co nos toonko w ciaplycie
i rzeby dali my pokooj
kamratoom co to skulali sie
po judaszowe srebrniki
bo korzdy jest dobry
czy tego kce czy niy
i wjary dej w nos samyh
bo rihtig grajfki u nos moc
kero tak tracymy
jakby my byli roombniyn’ci
i umyj nos z tego całego klajstru
kerym my sie uoblepjyli
rzeby my uoboczyli irz kalno szyba
przez kero nos widzoom
jest czysto jak na uodpust
a pycha co to siedzi noom na gowje
niyh mo pouoomane gnaty
roz na zawsze
i wara jyj uod warg naszyh
kere niyh soom ino do kusikoow
i jeszcze ino
wybrus’ nasz talynt patrzynio
na wszystke gryfne rzeczy
kere soom tukej
i kere soom tam
irzby uoone cioonguy nos do roboty
kero jest jak krystus
co to wstou z grobu
i bydz’ naszym pastyrzym
i niy uostawjej nos
jak zawsze to robisz
kedy proszymy
s'wioontecznie po s'loonsku - krystian gałuszka( przetuplikowou na internecowy zapis Jynzyka S’loonskego - Antek Respondek )
|
|