Juz woda w kotle buczy, wrze, bulko 
I para ujs'cio z kotla juz szuko 
I coroz wjynkszy robi se druk 
Za chwila w rajza pudzie nasz cug 
Wagoonoow we ciufci dokuplowali 
Co je przysuali wprost z magistrali 
Peuno absurdoow w korzdym wagoonie 
A w jednym s'winie we drugym waukoonie 
A we trzecim siedzoom wyrsze banioki 
Siedzoom i jedzoom tuste krupnioki 

We szczwortym wagoonie za toom gadzinoom 
Pjers' po uordery powjat wypino 
Wuadza dobrze wjernych nagrodzo 
Dzieli i rzoondzi, na zice sadzo 
Tymu posadka, tamtymu uata 
Tego na bufor, tego za krata 
A pjoonty wagoon capi jak zoki 
Bo w niym rajzujoom same kurzoki 
Duldajoom browar, c'mjoom cygarety 
We szoostym zas same suoodke maszkety 
We tytkach boomboony i boombooniyry 
We sioodmym zas' stojoom sztyry klawjyry 
W uoosmym wagoonie same gorole 
Co przijechali na S'loonsk na kole 
Co przijechali na banhoow w pjyn'ciu 
Arze im roouka pynkua na zgjyn'ciu 
I tak sfurgnyli do cuga ptice 
Rze we nim uobsiedli nojlepsze zice 
Jedyn se wkupjoou drugi se wrzynioou 
I tak se gorol u nos rozplynioou 
Dzisioj gorole rzoondzoom juz wszyn'dzie 
W cugu, w robocie i we urzyn'dzie 
Dziewjoonty wagoon mo z pancra paka 
Bo we nym przewozoom szrank lod Lesiaka 
A we ddiesioontym same belery 
Spiski, agynty i seks afery 
A we coukim cugu gro melodyja 
Uojca Rydzyka z radja maryja

Skuli gibkiego wyjazdu do onkla w Reihu sprzedom drapko: 
wertiko na wysoki glanc, szrank z trzyma dzwiyrzami, szeslong odwanckowany, dwa ligistule, sztyry gardinsztangi, gramofon na kurbla, jedyn kromlojchter na swiczki, dwa zicherongi i sztyry byrny przyndzione, cyja, landszaft zagraniczny, blumsztynder z mertami, jedna donica ze sznitlochym, bifyj z szuflodami na nici, durszlag na nudle, pól funta hawerfloków, stryknadle, heknadle, zicherki, tolszery, kartofel – presa, cwitry, maszynka na gychaktes, biksa po magiwyrflach, topfkracer, flaszenpucer, szpangi do wlosów, sranczek na szczewiki, fyrlok, ausgus, trzi kokotki, badywana, waszbret, kohlkastla, hok z mesingowym gryfym, bratrula, zdzadlo, klajdsztynder z pelcmantlym i hutym, hozyntregle, spodnioki bez rostfleków, trzy pory fuzekli sztrykowanych i posztopowanych, szesc bindrów na gumie, kiecka z kralzkami, modny cwiter z golfym, slubny anzug z kulami na mole, szczewiki z wysokim kromflekiem, abzace, dwa oberhymdy z ibrycznym kraglym, holcbajn, kryka, ryczka z nachtopem, gybis po fatrze, szkrobione taszyntuchy, bigelbred, zlote zalosniczki z gizlokami, broltbiksa, kloper, slinzuchy na kurbla, szuflodka na cwist i knefle, bigle heklowane, lojfry, tepich, kralzy, szesc kompotzislów, dwie szolki, trzi kible, waszpek, aszynbecher, smiotek i szipa, sebuwacz, modro tinta, sztyry blaje, szlojder do bajtla, sztrajhejcle, pól funta preswusztu, kranc leberwusztu, trzi krupnioki, zymlok, modro kapusta, hefty, buchy i pukeltasia lod cery, 
galoty po opie, fojercojg, blank nowe lacie, nec na dauerwela, portmanyj, taszka i brele po omie. 

Wszistko to idzie lobejrzec lod cmy do cmy u Grejty Harbol, Frynszita kole Kochlowic, ulica Kyncka numer loziem. Przelyzc bez ajnfart kole hasioka do hinterhauzu. Fórtka na kecie. 
Pozór! Gelynder zlomany!
_________________
Peter Koza