Pyrsk Pieronie !

Fajne dziynki za ta kolynda . Co sie rozlazi o te szkryklanie to w mocce
punktow mosz recht , ale niywiym eli we wszyskich . Pora problymow (do mie ) sam
pokoza .

Ale najprzod powia ze chyba Ty wiela slow wymawiosz inaczyj niz jo (i to je
juzas jedyn problym) . Ale egal - jada z tym koksym bo zaro musza isc do
hajoty .

"Jak szkryknonc" np

juz - lepiyj sie sucho Pieronom ze opolskego jak _jurz_

godom - u nos w Labyndach sie "godalo" fest twardo

przi "mysla" - mys`la wolol bych juz cosik richtunk czesko godka

zes - rzes -- jak to wypowiy kerys , kery to piyrszy roz czyto (ale
w mojyj pisowni je tynsom problym)

a co do piowni "ou" (bou) , to je ona w 99% dobro , ale np _poukladou_
wprowadzi w blond (musisz mi to som przetuplikowac) -- a co je ze L jak
Lodka (niywim jak to szkryknonc (?)

Chyba nojwiynksze problymy bydom ze L jak Lodka . Abo ?

Niy neguja Twojyj (Waszyj) pisowni ale niy mysla zeby bola nojlepszym
rozwionzaniym problymu . Mocie jake opinie od fachmanow ? Co chca sam zasugerowac
to je to iz ludzie poczebujom cosik naturalnego - wszyske zasady mocie take ,
ale te dopellitery chyba niy . Co na to inksze godajom , bo jo , jak godo
moja , je pieronym ciynzki kej sie rozlazi o "nowe" .

Jeszcze roz fajnie dziynkuja za ymaile i

Irek,
Pyrsk !