WWWBoard New Message: Message 25: Zapis Jynzyka S'loonskigo
WWWBoard: Message 25
[ Follow Ups ] [ Post Followup ] [ ]
|
|
Posted by Antoni Respondek on 12/09/01 at 5:54 PM
Subject: Zapis Jynzyka S'loonskigo
Message Posted
|
|
|
Witejcie Hopy !
Narazie - ino Hopy. (kaj soom Kobiytki?)
Uobiecou rzeh Woom, rze wypowiym sie na tymat nojwarzniejszyjh liter we s'loonskym
zestawie znakoow pisarskih, S'loonskym Alfabecie.
Dzisioj uo "oo" jak jo tyn dz'wiymk narazie zapisuja, a kery wy znocie, wiycie i rozumicie
uo czym godoom.
Pyjter proobuje nos namoowic' do jego zapisowanio w postaci " o z kropkami" jak
w alfabecie niymieckym.
Inkszo propozycjo, kero pohodzi z Wielkih Hajduk, polego na tym coby tyn dz'wiynk
zapisac' jako " podkres'loone uod dou o ".
Proobka takego zapisu rzeh Woom kedys' posuou. Nawet couki wiersz na nadhodzoonce
S'wiynta. Rzodyn z Wos na to niy zareagowou. S'cic' Wom sie to tyrz niy spodobauo.
Ale jo zapowiedziou twoorcze zaadoptowanie tego patyntu i uo tym teroski pora suoow wprowadzynio i uzasadniynio.
Jak rzeh jeszcze hodziou do Pan'stwowego Technicum (!), ja, ja, Technicum!, tako nazwa
do dzisioj mogecie sie uobejrzec' na Jego Gmahu, a uoba fakty moge potwierdzic' Jurek
"po Staszicu", kery tam tyrz brou nauki, jego dyrektorym bou Szczyguowski, primowski
matymatyk.
W Jego handszrifcie dojrzou rzeh cos' co mie zastanowiouo i zaciekawiouo, a co hcioubyh
dzisioj zastosowac' w naszyj pisowni.
Korzdy dobrze wiy, rze jak sie pisze ryncznie suowa w keryh po sobie wystympujoom litery:
u, m, n, w,
to jak sie na taki wyraz spojrzy, to trudno niyroz zaroski sie pokapowac' z jakih sie liter uoon skuodo, bo czynsto jest to ino cioong "fajek".
Tyn mooj wyhowawca z Technicum miou na to przedwojynno jeszcze rada.
Nad tymi, kere miauy "fajki" uobroocoone "sztynglym na doou, czyli
nad "m" i "n" robiou Uoon pozioomo kryska.
Poonos' przed wojnoom bou to uczony w szkouah sposoob uodroorzniania w ryncznym zapisie tyh liter.
Wielokroc' miou rzeh sposobnos'c' to dojrzec' w ryncznym pisaniu starszyh, tyh jeszcze
przedwojynnyh.
Dziynki tymu piszooncy suowo moog je pisac' jednym ciyngiym, bez uodrywanio filera uod papiooru, a w "drugym takcie" przelatywou nad niym uoczmi i potym nad "m" i "n", coby je naznaczyc', robiou pozioome kryski.
Bouo to pryntke i dowauo zapisowi czytelnos'c'.
Do pisanio na maszynie niy mo to rzodnego znaczynio, z jakih elemyntoow skuodo sie znak.
Ale przy ryncznym pisaniu, jest to zasadniczo sprawa.
Zapis jynzyka mo byc' niy ino pinkny i jednoznacznie uoddajooncy nasze mys'li ale
i wygodny w urzyciu, korzdym - ryncznym tyrz.
Bez to moja propozycjo "literackiyj" formy dlo litery "oo" jest:
" o z pozioomoom kryskoom nad niym" !
Z tyh samyh powodoow, uatwego zapisu przy ryncznym pisaniu, preferuja "rz"
zamiast " z z kropkoom".
Z tyh samyh powodoow byda hyba zwolynnikym zmiynkczanio przy poomocy "i", niz'li
robiynio "daszkoow", "przecinkoow", "ukos'nikoow" i inkszyh uozdobnikoow, kere hyba
niy soom tyrz w "s'loonskyj myntalnos'ci i estetyce".
My radzi mieli wszystko proste. Taki tyrz powiniyn byc' "s'loonski zestaw znakoow pisarskih".
Tyla uozdobnikoow musi niypokojic' i drorznic'.
Ciekawy sposoob zapisu "mazurzynio" zastosowou w "Radas' pohyloono" Paz'dziora.
Uoon przed "o" stawio maue "ł".
n.p. łOstatnie, łOd, łObroz, łObudził, łOni itp.
Troha na sposoob kery zastosowali bracia Golcowie dlo nadanio regioonalnego brzmiynio
nazwie swojego zespouo: "Golec uOrkiestra".
Golce kere sie poniywiyrajoom po coukym s'wiecie uod samego poczoontku rozumieli, rze litera "ł" niy whodzi w rahuba w nazwie Ih duetu.
Besto jeszcze roz zamiast "ł" - "u" !!!
Howcie sie
Antek
|
|
|
