Witej Bruno!

Fajnie rzes' sie wygrzebou hoc' na hwilka spod tyj kupy roboty, kero mosz
przy Ehu i uozgloondnoou rzes' sie po s'wiecie co tam na niym suyhac', bo za
hwila morzesz sie potracic' i go niy poznac'.

Dlo Yjwalda Bienia mogymy zrobis' s'ciepka na koomputer, jak Uoon morze cos'
noom poomooc w naszym szukaniu nojlepszyj postacie jynzyka s'loonskego.

Czytou rzeh uo takij akcji Tadzika dlo RAS'l, szuo by to powtoorzyc' dloo
Bienia.

W tyj dyskusji uo jynzyku troha sie niy rozumiymy.

Jo mys'la rze propozycjo Tadzika dotyczy niykooniecznie
LITERACKEGO JYNZYKA S'LOONSKEGO, w kerym bydoom drukowane dzieua literatury
s'loonskiyj i tuumaczynia s'wiatoowyj.

Ta uoficijalno postac' naszego jynzyka musi byc' dopracowano, ksztautowano
i doskoonaloono ciyngiym, a w dodatku z niyzbyndnym udziauym znawcoow
problymu.

Muszymy dloo niego wtedy tyrz zdefinijowac' zarooz Jego dziedzina', coby
uwzglyndnic' podmioty jego dziauanio i zasiyng uoddziauywanio.

Na razie wiym, rze spotkoomy tukej take same postawy egalitarne i brak
zrozumiynio dlo potrzeby samouograniczynio wuasnyj uodrymbnos'ci na rzecz
s'loonskego uniwersalizmu i s'loonskego dobra wspoolnego, jak to moomy w
dziedzinie administracyjnyj.

Miejscowy narcyzm lokalnyh politykieroow uniymorzliwiou dotoond pouoonczynie
etnicznyh ziym s'loonskih w jedyn organizm spoueczno-administracyjny, bo
korzdy miou u siebie do wygranio jakis' interes!

Hoc' korzdy wiedziou i wiy, rze som to ino interesa hwilowe, niyspoojne
z globalnymi zmianami i kierunkami rozwoju spoueczyn'stw i z nojguymbszom
potrzeboom samyh S'loonzokoow.

Koszula je im ciyngiym blirzszo ciauu.

Powszehnos'c' tyh egalitaryzmoow widac' na przykuadzie uostatnih wyboroow
i zapowiedzi dziauan' przed wiosynnymi, samorzoondowymi.

S'cic' cos' w tym musi byc' egalitarnego, kej korzdy cioongnie w swoja
stroona.

Durzo tu suysza tyrz staranio uoo wuoonczynie czeskiyj pisownie w tworzoony
model zapisu jynzyka s'loonskego.

Z tego co wiym, to jynzykym s'loonskym mogoom byc' zainteresowane ino
po tamtyj stroonie zaolzioki i morawioki.

Uoni majom na piyn'ku z Pragoom tak samo, jak S'loonzoki z Warszawoom.

To po co ih drorznic' literami ih uokupanta?

Z drugiyj stroony, jeszcze rzeh niy spotkou poza jednym ( kery pisou po
czesku ) takego, coby sie uodezwou z tamtyj stroony, wuonczou do naszyj
dyskusje i przedstawiou postulaty i oczekiwania z ih stroony.

Jak mocie kogos' takego, to Go serdecznie zapros'cie do naszyj dyskusje.

My sie tu troha za bardzo staroomy globalnie uo pisownia jynzyka
s'loonskego, a tak doprowdy zasiyng i guymbokos'c' jego zapotrzebowanio w
norodzie niy
je przez nos znany i hyba zbadany.

Soom tacy, bo dopiyro wczoraj rzeh na tyn tymat godou, rze pisano postac'
naszego jynzyka rodzi dloo nos ino nowe zagrorzynie.

Bo bydom niykerzi mieli doon's'cie do tyh, keryh nojbarzij uohroonioomy,
do naszyh dzieci, inkszoom droogoom nirz szept matki czy uojca do uha
wuasnego dziecka.

Twierdzom rze mogoom zacznoon'c' im niyrzyczliwe ludzie wkuodac' do
ksionrzek niycne tres'ci i sprawy zapisane matczynym szeptym, kere Uone
przyjmowac' mogoom za matczyne i w spoosoob bezkrytyczny.

Bo matce ufajoom bezkrytycznie.

To tyrz trza miec' na uwadze!

Jo rozumia poonadto rze na dokuadka "soom w Uojczyz'nie rahunki krzywd,
keryh uobco duoon' tyrz niy przekrys'li" jak pedziou ftos'.

Niy wiym czy miou na mys'li S'loonsko Uojczyzna.

Ale jakes' tam mogoom byc' i noom to wszystko utrudniac'.

Bez to proces tworzynio LITERACKIGO JYNZYKA sie pryndko niy zakon'czy.

Bo tak na prowda sie hyba w tyj postaci jeszcze niy zaczoon.

Ci co jurz piszoom, hoc' w sposoob niydoskoonsuy majoom jurz swoje sukcesy i
laury, hoc'by ino koomercyjne.
Inksi ino mogoom wybrzydzac' jak z toom "frelkoom"- hoc' w tym prawie
wypadku mieli reht.

Ale "Elemyntorz" jurz funkcjoonuje, jurz poleciou do Tadzikowyj cery, a
dzisioj
dostou go mauy niyus'wiadoomioony jeszcze w swyj s'loonskos'ci synek kuzyna
mojyj s'lubnyj.

Moomy przynajmniyj czym inkszyh zarorzac'!

A my czym mogymy?

Besto po tym dugym wstympie hca pedziec', rze Tadzikowo propozycjo
traktujymy jako wyspecjalizowano i uproszczonu wersjo jynzyka s'loonskego
na potrzeby NEWS-oow.

I jako tako jest uoona wykorzystywano.

Tym narzyn'dziym hcymy tworzyc' te NEWS-y, szuo by powiedziec' s'loonske
klahy, bo na nie czekajoom inksi, niykiej z utynskniyniym i wiernie.

A na LITERATURA PIYKNO mogoom sie jurz niy doczekac' w swojym rzyciu!

Zresztom w wiynkszos'ci Uoni couke rzycie na klahah poprzestowali.

Buyndy kere przy pisaniu wszyscy bez wyjoontku popeunioomy muszymy sie
nawzajym darowac', bo przeca w tym NEWS-owaniu dopiyro bajukoomy.

Coby noom wszystkiym lrzyj uono szuo, wymys'lou rzeh "matryca jynzyka
s'loonskego".

Mo uona po wypracowaniu koompromisowyj jyj postaci, uzgodniyniu jyj
zawartos'ci i wzajymnym uznaniu jyj prawiduowos'ci, pewnikiym noom poomooc w
dalszym NEWS-owaniu.
I po wuoonczyniu opcji pracy Uorda ze "suownikym i narzyn'dziami kontroli
poprawnos'ci pisownie jynzyka s'loonskego" bydymy wszyscy, dej Borz, mniyj
robiyli buyndoow.

Mys'la rze mi jurz pozwolicie skon'czyc' urzywac' uokres'lynio NEWS-owanie,
bo jurz wszyscy mom nadzieja pojynli uo co mi hodziouo i moga dali pisac'
i tak na to co robia godac'.

Teroski na kooniec hcioubyh pogodac' uo uobawah Joozka, czego rzeh niy
zrobiou na goroonco.

Bo jo je z natury gorooncy synek i nojlepi mi sie pisze w stanie "wzburzynio
emocjoonalnego" i wtedy jest rzeh dobrym partnerym do dyskusjoow typu
"burza muzgoow". Czynsto mi sie udowo cos' wtedy wymys'lic', abo "wzburzyc"
inkszyh.
Tak jak mi sie to morze niyopatrznie "udauo" zrobic' przy poomocy "lan'cuha"
w godce ze Szwagrym. Ale do tego jeszcze powrooca.

Apostrofy uo kere sie upoomniou Joozek my po prostu zagooniyli do roboty, do
roboty w naszym jynzyku, bo w inkszyh majoom uone co robic' i jedynie
w polskym bouy uone prawie rze bezrobotne, tak jak dzisioj prawie co czworty
Polok jest taki.

Ale oczywis'cie ih rola uooncznikowo pozostowo, bo przeca pisza "s'niym"
na uokres'lynie " z niym".

Uord (Word) je nojpopularniejszym na razie edytorym i uczoom go w korzdyj
pracowni koomputerowyj we wszystkih szkouah.
Przez to kod apostrofu jest czyn'sciyj urzywany, a wiynkszos'c'
translatoroow
i programoow koomunikacyjnyh go dobrze zno. Z jego stroony nic noom niy
grozi.

Jak Joozek mosz jakes' inksze propozycje negocjowanio "postaci jynzyka
s'loonskego" dlo potrzeb NEWS-owanio, wybocz !, pisanio - to sie guos'.

Na razie uzupeunioom matryca, a moom w tym wielu z Woos za poomagieroow.

Z korzdego Waszego NEWS-a wybiyroom to z czym sie moga zgodzic', jako ze
suowym wypedzianym w jynzyku s'loonskym i jego pisownioom, dociepuja
to do matryce i tak uona sie rozrosto.

W sobota rano, jak suhoom Radia Piekary, to uarza z kartkoom, blajsztiftym
i zapisuja na niyj usuyszane i przypomniane suowa. A pod wieszoor zas' to
dociepuja do "matryce".

To morze tak robic' tak korzdy z Woos, jak ino bydzie sie czuu
uodpowiedzialny za zawartos'c' "matrycy" i jak Mu bydzie zalerzauo, coby
znoduy sie w niy tyrz te niytypowe, urzywane w swojym uotoczyniu.

Zwracoom sie do wszystkih, kerzy "czujoom blusa" uo wuonczynie sie do jyj
powstowanio.

Howcie sie wszyscy z Brunym i Joozkym na czele.

Bo zaczon rzeh tyn NEWS do Bruna, a skoon'czou apelym do wszystkih.

Wyboczcie.

Antek