Witom Was wszytkich,
sie prziznom, ze bych sie z Wami piyknie porozprawiol, ale, ... chca
uporzondkowac sprawy Echa, a to czas polyko ...

Widza, ze aktywnie dyskutujecie na tymat slonskigo jynzyka, nawet
widziolzech, ze kierys z Was wspomniol i Ewalda Bienia. Tu wezna tego
zaangazowanego Slonzoka spod Cieszyna za bajszpil: wiym, ze Ewald Bienia niy
mo internetu,
beztosz te nasze dyskusje do niego niy dociyrajom.

Ale mie tu niy chodzi yno o Ewalda Bienia, a o to, zeby tu Wam zaakcyntowac,
ze nom czaby sprugowac doczec do wiyncy ludzi, kierych slonsko godka fest
interesuje, a to monyj udalo by sienom najlepi, jakby my zalozyli:
"TOWARZYSTWO SLONSKIJ GODKI". ("Godka" po slonsku to samo co "jezyk" po
polsku!) Taki towarzystwo mialoby za zadani koordynowac naszo dyskusja, dali
pisac i po instytutach naukowych i wciongac ludzi bylejakij
masci i wiedzy, w tym i tych - jak sie kiedys godalo: "szkolonych" (chociorz
szkoloni to dzisiej som wszyscy Slonzoki!), dali informowac i tych, kierzi
w doma niy majom (na razie) internetu, itd.

W sumie widza, ze bez dobryj koordynacji bydymy miec ciynzko sie porozumiec,
bo pomalu dochodzi do zalocio naszych emailowych fachow przez kupa
informacji. Beztosz ludzie ... monyj niy czytajom jusz wszystkigo dokladnie,
bo z naglowka zle widac, co jes do kierego wazne, a co ... monyj kogo myni
interesuje. A ilosc informacji na pewno dali bydzie przibiyrac!

Bez tosz, moja zasadniczo propozycjo: zalozyni SLONSKIGO STOWARZYSZYNIO abo
SLONSKIGO TOWARZYSTWA. Naokolo tego cyntrum widziolbych taki asty tymatyczne
jak:
1) TOWARZYSTWO SLONSKIJ GODKI
2) SLONSKE ARCHIVUM (na tym polu dobrze dzialo i mo dobre plany Lucas)
3) ECHO SLONSKA - publicystyczno inicjatywa slonskigo srodowiska, jes juz na
chodzie
4) SLONSKE FORUM, kajby my dyskutowali na wazne nom tymaty, niy yno godki,
ale i aktualnych spraw politycznych czy historycznych
5) Inksze oddzialy ...

RAS jako slonski Ruch spoleczno-polityczny mogby patronowac naszysmu
stowarzyszyniu, ale nasze slonske stowarzyszyni jak i wszystke jego oddzialy
bylyby cialami niezaleznymi, (przinajmi jo bych to tak widziol). Chca tu
jeszcze nadmiynic, ze w tym wszystkim bolby nom fest pomocny internet.

Jo prowadza take adresy internetowe:

www.Slonsk.org
www.Slonsk.com
www.Slonsk.de
www.EchoSlonska.com
www.SlonskeForum.com

Klar, niy yno te adresy internetowe wchodzom w rachuba, wszyscy, co
prowadzom domains czy homepages som zaproszyni do tworzynio tego slonskigo
krajsu. Z tych tu wyliczonych adresow nikiere som jeszcze puste. Np. mysla,
ze pod www.Slonsk.com ulokuja Slonske Archivum. Na www.SlonskeForum.com
mysla z czasym porobic pora inkszych tymatycznych forum dyskusyjnych. Colkim
wolno jest adresa www.Slonsk.org

Pomyscie, monyj daloby sie cos w tyj sprawie ruszyc.

Bo bez formy organizacyjnyj niy bydzie nom leko dali prowadzic tela
roztomantych dzialalnosci, w tym uregulowani naszyj godki, prowadzyni
archiwum (publicystycznego i dokumyntowego), organizowani nawet sesji
naukowych, publikowani informacji, inicjowaniu dyskusji, roztomantych
slonskich akcji, dowani interview, wyklarowaniu niyjednyj kontrowersyjnyj
sprawy, itd.

na razie tela

Prosza Was, pomyscie nad sprawom. Tu zech spisol yno pora propozycji, ale
... kiedyc cza cos poddac pod dyskusja.

Bruno

PS: Byloby wazne, zeby my, Slonzoki skupiyni naokolo RAS zainicjowali ta
ideja.