W mojih ukohanyh Uogewnikah S’loonskih niykerzy podyjmowali sie zadan’ bardzo ciynrzkih, spraw prawie niymorzliwyh.

I coby ih umocnic’ w swym postanowiyniu i podtrzymac’ w trudzie wykonywanio tyh zadan’, godauo sie im: „Musisz TO zrobic’, hoc’bys’ miou na uszah stanoon’c’!”

Brzmiauo to troha jak rzondanie, hoc’ bouo to przeca zadania podyjmowane dobrowolnie, dloo porzytku ogulnego i dobra wspoolnego.

I wielu stowauo na przysuowiowyh uszah coby pokozac’ rze idzie zrobic’ to, co sie postanowiyli i dopinali swego.

Uo poru TAKIH jurz rzeh Woom godou, hoc’by w uostatniyj uosproowce - uo ks. Norbercie Bon’czyku, kery rozpoczou i ks. Dziekanie Tyjodorze Mys’liwcy, kery ukon’czou dzieuo budowy naszego parafialnego kos’cioua.

Abo wczes’niyj uo Pyjtrze Mankiewiczu, kery w pobliskym Radzioonkowie zbudowou Muzejum Hleba, a jeszcze wczes’niyj uopedziou rzeh Woom jak to Ymanuel Piecha budowou z drewiynek ino troha wiynkszyh uod zapauki swoja wyimaginowano uogewnicko bazylika
i inksze misterne, kolorowe cacka.

Teroski przy swojym dziele moomy naszego farorza.

Ale czynsto Ci, kerzy ino kibicowali i nic przy tym dziele niy poomogali, a czynsto ino jeszcze przeszkodzali, jak ujrzeli, rze udauo sie koomus’ stanoon’c’ w realizacji swojego zamierzonego dzieua niy ino na gowie, ale i na przysuowiowyh uszah, zgryz’liwie sie dopytywali czy niy szuo by jeszcze niymi sztepowac’?

Wspoomniou rzeh sie to podczas gali mjuzykhalowyj „ FIRE OF DANCE „ w Doomu Muzyki i Tan’ca w Zabrzu, kaj rzeh sie wybrou z rodzinkoow i tes’ciami skirz tego, rze przygrywou w niyj mooj synek i kero to gala boua s’loonskoom prymieroom, a zarazym
porzegnaniym S’loonska przez zespoou przed turne po koncku Europy.

Po prymierah w Tyjatrze Wielkym w Uodzi, w Warszawie w Sali Koongresowyj i Hali Ludowyj we Wrocuawiu, kaj miauy uokazjo uobejrzec’ te widiwisko tysioonce osoob, zespou udowo sie miyndzy innymi do: Cottbus, Berlina, Linzu, Hamburga, Wuppertalu, Kolonii, Leverkusen, Lugano, Zuryhu, Salzburga, Drezna, Saarbriicken, Ludwigsburga, Mannheim, Kassel i zas’ Berlina, coby wymiynic’ ino te wiynksze „mies’ciny i wiohy”.

A je to wert uobejrzec’, bo w tym mjuzykhalu niy ino idzie spoomniec’ sie i posuhac’ wielkih przebojoow we primowskym wykoonaniu, ale przede wszystkym na powroot ujrzec’ czar
i piynkno wielu tan’coow irlandzkih, a przede wszystkym uoboczyc’ na wuasne uoczy
i usuyszec’ istnyh wirtuozoow sztepowanio.

Szuo by pedziec’, rze przy swoji wirtuozerji w sztepowaniu stowajoom uooni niy ino na gowie, ale na uszah.

I to zaroowno w popisah solowyh, w duetah, tercetah, ale i we wieloosobowyh zespouah.

Jo boou zahwycoony.

Fto miyszko w tyh miastah kere rzeh wymiynioou, niyh nasuhuje i cyhtuje na „Fire of Dance”. Mocie rzadko uokazjo uczestniczyc’ w ucznie artystycznyj.

Fto miyszko kaj indzi, tyn niyh sie uodezwie, to mu podoom poranos’cie dalszyh miejsc, kaj gala pudzie uobejrzec’.

Mocie szansa zaczerpnoon’c’ pora uykoow ze z’roodua wielokulturowego artyzmu, w kerym mocnym strumiyniym bije w goora i popuynie ku Woom tyrz - sztuka s’loonskih artystoow.

I godoom to niy ino skirz mojego synka, ale z guymbokiyj dlo Wos rzyczliwos’ci.

Do Tadzika na Floryda na razie sie niy wybiyrajom, hoc’ i jymu tyrz by się przydauo take artystyczne „uadowanie akumulatora” i uyk kulturowego nadhniynio z tego z’roodua, jako duhowe wsparcie w tym jego stowaniu na uszah w sprawie i zadaniu kerego sie podjoon -TWORZYNIO ZAPISY JYNZYKA S’LOONSKEGO.

Moom nadzieja rze „rzyczliwce” niy bydoom sie uod Niego doomogac’, coby jeszcze niymi zaczoon sztepowac’!

Ino Mu poomogoom.

Poomorzecie?