Stauo sie, abo sie w nojblizszym czasie stanie!

Przed hwilom przyszou rzeh do dom i przeuonczom z przyzwyczajynio, troha na zuos'c' moji s'lubnyj, kero tego niy umi s'ciyrpiec', kanauy z programami na mojym telewizorze
i coukym przypadkowo wuarza na program trzeci - regionalny z Katowic i uocom niy
wierza.

Niydowny niyboszczyk, Witold Szalonek jeszcze za rzywa we uostatniym jurz swojym wywiadzie zarejestrowanym na S'loonsku w programie "Nie tylko o muzyce"- Haliny Szymury.

Z tom swojom pasjom goodo uo swojim zadaniu "muzycznego zwierzyn'cia", jak siebie
nazywo - koompoonowaniu, uo swojih przyjocielah, uczniah i nauczycielah, uo nojblorzszyh planah, kere hce zrealizowac' - jak Ponboczek do.

Uo tym swojym byc', a niy miec'.

Ilustruje tyn wywiad muzycznie jego muodo uczynica, kolerzanka szkolno mojego synka -
Hania Holeksa.

A na koniec pado pytanie uo morzliwos'c' powrotu na S'loonsk.

Uodpowiado rze niy ma jak dotond uodpowiednih waronkoow do tego, ale w korzdym razie jak by Go miou Ponboczek wezwac' do siebie, to niy wyobrarzo sie inkszego miejsca
na swooj powroot, jak Jego ukohane Uogewniki S'loonske, kaj mo tyla przyjocieli
z naszym farorzym Alfredem Szkróbką na czele.

Te Jego suowa zabrzmiauy jak testamynt.

Mys'la rze rodzina tyrz jurz to miaua postanowione, kej podowaua w klepsydrze,
rze zuorzynie Jego prohoow uodbydzie sie niyskorzyj,w Polsce, w groonie rodzinnym.

Jo to przecuwou i dou tymu wyraz w mojym beraniu napisanym po Jego s'mierci.

Nasze muzyczne "Lux ex Silesia" na zawsze bydzie s'wiycic' jak wieczno lampka
w Jego i mojih ukohanyh Uogewnikah S'loonskih!