Takeh sie tyn sztaldrat przeczytoou i prziznoom sie woom szczerze rze
mie to strasznie przignymbiouo. Soom niy wiym czymu ale morzno to
skirz tego, co mie to niy pasuje, rze we tych Uogiewnikach, we kerych
rzeh przerzoou takie piykne dziecin'stwo takowe pieroon'stwa tyrz sie
dziouy. Ale morze skirz czego innego...
Morze skirz tego, rze uod pooniydziauku zas' byda w tych Uogewnikach
miyszkou i nijok to co widza mi to tego co pamiyntoom niy pasuje.

Tak mi we guowie siedzi fajny uobroz Uogewnik jako sloonskij wsi, kaj
moja Oma znoua prawie wszystkich, a jak niykery niy pochytou wartko co
to je byc' Sloonzokiym, to dostawou w dziub abo przinojmniyj wszyscy
go palcami na korzdyj ece pokazywali. Tako to bouo ze wszystkimi
myntami i uoni w tyn czos wiedzieli, rze we Uogiewnikach to niy majom
czego szukac'.

Terozki jurz jest inaczyj. Terozki jurz rzodyn pieron niy pielyngnuje
uopuszczoonych groboow, za to co widza wieczorami dzieciskoow na
ulicy, to niy idzie uopisac'. Stojoom na tych ekach grupami, w
koorzdym wieku, i czasym az strach kole nich przyn's'c'. Tak mie sie
podobo, co z pomocoom farorza buduje sie na naszym piyknym Stadioonie
wielki uos'rodek sportu. Mozno to cos' pomorze? A morze bydzie sie
dało zrobić cos' wiyncyj? Zoboczymy.
Jo bych chciou ino wiedziec', co tyrz Wy uo tym mys'licie.

I pozdrowiom wos przy tym serdecznie

---
Krzysztof
WARZECHA
skybusiness.com/heavens
Nic nie jest skonczone
dopoki się nie skończy
- Kubus Puchatek -