Witej Rostomiyuy Pyjtrze !

Som widzisz jak to je ciynrzko napisac' cos' co sie mys'li jynzykym serca.

Powood je prosty !

Nigdy my przeca niy widzieli zapisanyh tres'cioow w naszym alfabecie.

I ino uo te "uopatrzynie" i uoswojynie z jego uobrazym w czytaniu i pisaniu w naszym jynzyku hodzi!

Jak korzdy z nos bydzie wiedziou jak "zas'piywac'" uobrozek kery widzi napisany
przed sobom, to niy bydzie miou rzodnyh problymoow z czytaniym.

To je tak jak z naukom czytanio w piyrszyj klasie.

Dziecko widzi jakes' gryzmouy napisane na tablicy abo w hefcie, a rehtoorka "s'piywo" dzieciom jih melodio.

Uone to powtorzajom i tym sposobym uczom sie czytac', czyli "wys'piywywac' " te szkryflouy, kere im rehtoorka pokazuje.

Uone tyrz na poczontku niy wiedzom jak to "wys'piywywac'", ale dziynki tymu rze uona zno melodio i im jom "s'piywo", uone ino powtorzajom. I tak sie uczom czytac'.

Bo tam rihtih niy je couko trudnos'c' w zapisowaniu ino w czytaniu!

Som to potwierdzosz.

Jo jurz w dyskusji na tyn tymat z Joozkym Kubiszym i Tadzikym z Florydy, kery sie kajs'
u Zaolziokoow uostatnio zapodziou abo straciou, troha czasu zmitrynrzou.

Pedziou rzeh Im, co nojwarzniejsze je praktykowanie.

Uoni tyrz tak jak Ty mieli wiela teoretycznyj mondros'ci, ale jak Im przyszuo cos' napisac',
to sie krympowali i zapowiadali, rze to som Ih niyudolne poczontki.

Uod zwady my uodstompiyli i uod tego czasu na Tadzika serwerze pod adresym: www.republikasilesia.com/AntoniRespondek
praktykuja rostomajte berania, kere jak sie uokazauo Uoni umiom zrozumiec', rozumi je wielu z Uopooula ( z Opola - tak by S'loonzoki stamtond to wypedzieli ) i inkszyh stron.

Coby "praktykowac' " niy musza sie cofac' do historie jynzykoow suowian'skih,
bo tym sie hcom i mogom zajmowac' hobbysty, abo te, kerym take shymaty postympowanio suurzom do blokowanio jakiyjkolwiek prooby pisanio po s'loonsku.

Jo patrza do przodku!

Uoni nasze prooby i poszukiwanie zowdy przestawiom na inne glajze, na boczny tor.

Bo take je ih zadanie!

Twierdzic' rze jynzyka niy ma, bo niy idzie w niym niczego nikaj poczytac', a jak ftos' zaczyno pisac', to mu przebrzydrzajom, rze z'le pisze, bo te pisanie niy mies'ci sie w ih shymatah.

I tak sie kouko zamyko!

NARODU tyrz niy ma, bo narood musi miec' swooj jynzyk z jego zapisym.

I take som IH shymaty i metody klinczowanio i blokowanio S'LOONSKOS'CI.

I uo uomanie tyh IH shymatoow, tak rihtih idzie!

Bezto proobuja pisac' na przekoor IH shymatom.

Uwzglyndniom tyrz przy tym to, rze nasze beranie czytac' hcom S'loonzoki z Niymiec,
z Hameryki i inkszyh stron s'wiata.

I coby niy dolatywauy do NIH rostomajte s'mieci, przez to rze napisane teksty som wiela razy kodowane, szyfrowane, transmitowane, dzielone na pakety, deszyfrowne, tuumaczone, pakowane, rozpakowywane i na koniec wreszcie wys'wiytlane, musza te wszystke przeszkody miec' na uwadze i je uomijac'.

Bo tak rihtih, to dloo NIH muszymy pisac', bo my mogymy sie na miejscu pogoodac'.

Uonym muszymy przypominac' suowa, kerymi sie jurz niy posuugujom, bo ih kole
siebie niy suyszom.

Robiymy to dlo IH i naszyh dzieci, coby zapamiyntane uostauy suowa, kere my jeszcze znomy i urzywomy, a dlo nih som jurz niyzrozumiaue, abo som przez nie niy suyszane.

A dzieci jak to dzieci, som lyniwe i niby "nowoczesne".

Donrzom w tym swojym poszukiwaniu "minimum energetycznego" form jak nojprostszyh,
takih kere niy bydom ih zmuszauy do zastanowianio sie nad tym jak cos' zapisac'?

Tak jak to je uod wiekoow i bez co niy trza nom bouoo rzodnego "pos'rednika" w postaci
zapuisu suow, bo my byli blisko.

Dopiyro jak nos rozproszyli, zaczyno to byc' warzne.

Dopiyro teraz, jak my sie stali mniyjszos'ciom!

Jak rzeh tak zaczon te moje berania posuyac' do Tadzika do Hameryki i jak te teksty
przeleciauy po sieci przez poou s'wiata, to niyjedyn zapis, potym na powroot pobrany
do mojego komputera, bou zapaskudzony tym wszystkym, czego te komunikacyjne bariery niy hciauy przepus'cic', niy rozumiauy po swojymu abo po swojymu interpretowauy
i w wyniku czego te miejsca zaznaczone bouy kratkami abo znakami zapytanio w teks'cie.

Stowou uon sie przez to niyczytelny i niyzrozumiauy.



Byda szczery do uobrzydzynio.

Wydowo Ci sie, rze cos' rzes' wymys'lou, czym mosz zamiar uszczyn's'lywic' couki s'wiat.
Jok mooj dawny wspoolpracownik, kerymu sie zdowauo, rze wymys'lou perpetuum mobile.

Wszystkym udowodniou, rze je prawdziwe, historycznie uzasadnione, rze wyzwoli z biydy
couki s'wiat, nawet zrobiou prototyp, kery poprawiou przez wiela lot.

Boja sie rze tak bydzie z Twojom tastaturom.

Bydzie miaua historyczne uzasadniynie, prawdziwy i jedynie suuszny rodowood,
zostanie zatwierdzono przez Ministra Szkolnictwa, tyla rze jyj rzodyn niy bydzie
urzywou.

Bo w urzyciu som jurz przeca tastatury.

I uone muszom nom starczyc' do zapisywanio
S'LOONSKIYJ MOWY, S'LOONSKEGO JYNZYKA.

Musi to umiec' zrobic' korzdy S'LOONZOK w korzdym miejscu kaj jest.

Przeca niy bydymy im posyuac' w paketah s'loonskih tastatur.

Mys'la rze rozumisz uo co mi hodzi !

Rze sie niy pogorszysz za moja szczeros'c', bo czuja rze my uoba som tego samego
typu pogupiouki, a "gupki" ponos' niy krzywdzom sie nawzajym?

Tyla suoow ewangelije na dziyn' dzisiejszy.

Trzymej sie zdrowo i "praktykuj".

PYRSK !

Antek