W mojich ukochanych Uogewnikach S’loonskich wszystko uodbywo sie wedle s’loonskyj
tradycji i poduug roku uobrzyndowego.

Z gazet i inkszych publikatoroow wiym rze Papiyrz jest na Ukrainie, a uod tes’cioow,
rze w ich parafji Nojs’wiyntszego Serca Poona Jezusa jest uodpust .

Besto mie niy zdziwiouo to, rze w naszym kos’ciele guuwny uoltorz jest uobstrojony
w „sino-rzoute” kwiotki, kere to kolory przypominajom ukrain’ske barwy narodowe.

Wiym rze w kos’ciele symbolika wielke mo znacynie i choc’ wiym tyrz rze modrych kwiotkoow ( hryzantymek ) niy ma, to dlo tyj symboliki niy jest grzechym niykedy
je pofarbowac’.

Dodatkowo widza, rze w „Gos’ciu Niydzielnym” na tytuowyj stronie zuocom sie kopuy Sofijskiygo Soboru z Kijowa, kere poznowom, bo mog zech je uoglondac’ z bliska.

Uorganista zacyno pies’niom „Serce Twe Jezu miyuos’ciom goreje ...”.

W tym nastawiyniu zacynom suchac’ niydzielnyj mszy. Wszystko mi pasuje.

Ale gos’ciym na niyj, kery uod casu do casu bywo u nos i wtedy guosi Suowo Borze
jest zaprzyjaz’niony z naszym Farorzym ksiondz z doktorskym tytuym naukowym.
I jak zowdy wtedy guosi uon kozanie. Powiym rze mocno sie wsuuchuja wtedy w to co Uon godo.

A zacyno uo zwiastowaniu, kere uod Jarchanioua Gabrijela dostou Zacharijasz.

„Jo rzech jest Gabrijel, kery stoja przed Boogym, a zostouech posuany, coby goodac’ z tobom i uoznajmic’ ci ta wies’c’ radosno.
Bydziesz niymy i niy bydziesz mog goodac’, arz do dnia, w kerym sie to stanie, bo niy uwierzysz mojym suowom, kere sie speuniom w swojym casie.”

W tym momyncie uocy mi sie na nowo uotwaruy, uszy zacyny suyszec’ to co miauy, a mys’li
zacyny sie wionzac’ w jedno nowo cauos’c’.

Przeca te kolory na uoltorzu, to nasze narodowe s’loonske barwy. Modro i rzouto.

Tyn „jarchaniou” przyleciou w ta noc s’wiyntojan’sko, hanysowo noc, kedy mo miejsce
zroownanie dnia z nockoom, w tyn cas przeuomowy uod Tadzika y-majlym z Hameryki.

Mys’la rze to wszystko to niy jest ino przypadek !

Znaki casu, te cajchnongi uo kerych rzech jurz pisou, majom przeca miejsce ciyngym.

W uostatnio niydziela pojechali my do Piekor, bo tam boua mszo w intyncji Zwionsku
Goornos’lonskego. Za sztandarym, na kerym jest wizerunek naszego Hanysa Nepomucena
i Wysoko Lipa, znaki naszyj wspoolnoty. Coby sie niym pokuonic’ Piekarskij Paniynce
i podziynkowac’ za to rze uochronio wartos’ci naszyj wspoolnoty.

I co suysza ? S’loonsko godka !

W casach, kedy w Rzymie niykerzy kardynauowie niy chcom, abo niy umiom jurz po
uacinie, w mojich ukochanych Uagewnikach S’loonskich kapelonek, a uostatnio i na pielgrzymce chopoow w Piekarach hamerykan’ski kardynau, przypominajom nom kawouki mszy w tym jynzyku.

W tych samych Piekarach nareszcie usuyszou rzech w uostatnio niydziela pora suoow
na tyj mszy po naszymu - PO S’LOONSKU ! ! !

Niy bouo tego na Annabergu, mimo rze tam bouy roorzne mniejszos’ci. Tam bouo ino
po polsku i po niymiecku.

Z gazetowych relacjoow wiym, rze na uroczystyj sesji Syjmiku S’loonskego z udziauym
synatoroow, posuoow i radnych z uokazji 80 rocznicy wybuchu III powstanio s’loonskego,
widziauo sie JE uocami ino Polokoow i Niymcoow !

A przeca my tyrz MOMY UOCY i niy ino.

Mys’la rze ta nasza zachariaszowo pros’ba zostaua wysuchano !

Rodzi sie HANYS CHRZCICIEL, coby przygotowac’ Panu LUD DOSKONAUY ! ! !