Z Uogewnik - toom razoom jednak niy mojih ukohanyh, s’loonskih , ale krakowskih - dolatujoom Prowdy, Moondros’ci i Suowa w sprawah uniwersalnyh i podstawowyh dlo korzdego Norodu.

Dowoomy na nie poozoor i suhoomy ih, bo pohodzoom uood Nojwyrzszego Autoryteta.

Wzywo Uoon Nos wszystkih do zawierzynio Boskymu Miyuosierdziu.

Zawierzynio - coby boua morzliwo Nadzieja.

Namowio do bycio oryndownikami Borzego Miyuosierdzio. Do surzby w s’wiecie Wartos’ci
i Idyjauoow. Dlo Dobra nojwarzniejszego - Cowieka.

Padajoom suowa uo Zaufaniu i Nadzieji.

A na przystanku po droodze, przed budowanoom biblijotykoom Papiyskyj Akadymije Tyologicznyj, przypoominane soom zebranym rehtoroom Uniwersytyjtoow, a za Ih pos’rednictwym wszystkym naukowcoom, irze Nauka i Wiara to dwa krzidua korzdego Norodu.

Uo ciymnyj Moondros’ci, do keryj don’s’c’idzie ino przez Miyuos’c’.

Apelowou Uoon uo uotwartos’c’ w pytaniu i rzetelnos’c’ w dowaniu uodpowiedzi.

Zamys’loou`eh sie nad tymi suowami, hoc’ doo mie niy boouy adresowane, ale przeca
Wiara i Nauka dziauo w korzdym Cowieku, wy Mie tyrz.

A rze tyczy ta sprawa przedstawicieli wszystkih Norodoow, pomys’lou`eh uo swojym - S’loonskym.

Zdo sie irze w tyj sprawie, sprawie Norodu doczkali my sie Miyuosierdzio Boga i Ludzi.

Ale na tym przeca niy kooniec. W kolyjce stoji Jynzyk. S’loonski Jynzyk!

Spojrzou`eh na swoje jynzykowe maue skrzidouka i poczoon spoominac’:

Piyrsze mamine suowa, jak Mie piastowali. Uojcowe przestrogi i piyrsze nauki.

Ooumine s’piywanie „Kedy ranne ...” i „Aniou Pan’ske”.

Ooupoow „Ros’nie cyprys ros’nie w doonicy na uoknie” i „Mamulicko moja cos’ Mie wyhowaua”.

Bracikowo nauka pyndalowanio na drajracie i suhanio gitarowego byglajtoongu.

Droubka na soomsiek na podturawskyj wsi i rybki po kere my tam lotali za bajtla dlo osuody
jynzyka w gymbie, bo Jynzyk jako pojyn’cie niy bouo mi wtynczos znane. Godauo sie.

Godali My, rzoondziyli, s’mioli sie i puakali.

Z Dooma rzeh wyuazioou z Wiaroom, rze poradza sie porozumiec’ z korzdym.

Ale nauka rzeh dostou pryndko.

W kos’ciele uo uacinie, a we Familoku rze sie jeszcze szpreho i muwi.

Na szczyn’s’cie tyh nowyh przeszkood na poczoontek niy bouo za wiela.

„Rorate coeli” nauczoou rzeh sie na pamiyn’c’, hoc’ nic rzeh z tego niy rozumiou, a do soomsiadek z extra wymogami zwrocou`eh sie per Pani abo Frau. I tyla z niymi boouo godki.

Jakos’ rzeh uobstowou!

Piyrsze zgryzoty przyszuy jurz w przedszkolu. Na szczyn’s’cie ino przy nauce cudzyh pies’niczek i tan’coow.

Bo przy graniu na rostomajtyh insztrumyntah Jynzyka sie niy urzywauo.
Morze skirz tego uostou`eh przedszkolnym, a potym szkolnym, grajkym?

Kohou`eh godac’. Jynzyki boouy u Mie wtynczos jurz dwa. Tyn w gymbie i Jynzyk kerym rzeh godou.

Jurz zaczynou`eh miarkowac’ co to jest Jynzyk! Ale niy tyn jynzyk poomocny ino przi lizaniu lizokoow. S’loonski Jynzyk!

Nojgorsze zaczuo sie we szkole. Kaj zaczoon rzeh tracic’ wiara w familijno nauka.

Zaczuo sie podcinanie pioor we mojih jynzykowyh krziduah.

Niyroz rzeh widziou tyn zabieg u gouymbiorzy, jak go stosowali wzglyndym tyh gouymbi, kere cioonguo dali uood gouymbnika.

Mie nikaj niy cioonguo, a mimo to mi je zaczynto podcinac’.

Zaczoon rzeh sie cuc’ jak te gouymbie. Bez szanse na daleke flugi.

Tyla rze Mie podcinali krzidua rodzinnyj Wiary w jynzykowe nauki.

Podworzano zaczua byc’ niy ino moja duhowos’ ale i doomowe Autorytety.

Poou biydy boouo w uogewnickyj szkole, ale tam rzeh brou nauka ino bez rok.

Gorzi boouo w muzycznyj szkole. Tam ino poru na poczoontek rozumiauo sie doo koon’ca. Poru s’loonskih bajtli.

W szkole tyrz dziepiyro dowiedziou`eh sie, rze moja goodka to cos’ gorszego, niydobrego,
a Jo soom je rzeh jakis’ tam autohtoon.

Tego suowa rzeh tyrz niy rozumiou i dotoond niy znou . Mama ani Oouma tyrz niy.

Same przeca ciyngiym Mi godauy i reszta Familije tyrz, rze My soom S’loonzoki
i godoomy s’loonskym Jynzykym.

W szkole zas’ zaczli Mi tuplikowac’ irze Jo urzywoom cegos’ takego co sie poonos’ nazywo gwara.

W tym momyncie moja jynzykowo Wiara i Nauka sie rozeszuy.

Musioueh przyjmowac’ nowe „nauki”, hoc’ mi niy pasowauy - bez Wiary.

Arz do dzisioj.

Nojwyrzszy Autorytyjt przipoominou dzisioj proominyntnym ludzioom Nauki, irze jak by miauo don’s’c do koonfliktu miyndzy Wiaroom a Naukoom, to Wiara zwyciynrzy!

Wy mie tyn jynzykowy koonflikt trwou uod poczoontku, uood malutkos’ci!

Wroociouy Mi, na te suowa, Nadzieja i Zaufanie!

Nadzieja i Zaufanie wzglyndym s’loonskyj Nauki.

S’loonzok, Cowiek - dobro nojwyrzsze, musi doczkac’ sie swojego Jynzyka!

Trza noom zaczoon’c’ uotwarcie zadowac’ pytania s’loonskym naukowcoom w sprawie Jynzyka i rzondac’ rzetelnos’ci w dowanyh uodpowiedziah!

Inaczyj s’loonsko Nauka przegro z Naszoom Wiaroom!