Tom starom pies’niom, co roku, zaczynomy w moich ukochanych Uogewnikach S’loonskich uodpustowo mszo.
S’piywomy jom na czes’c’ patrona s’wiyntego Jana Nepomucena.
Naszego, ale niy ino, bo stou sie Uon patronym dobryj suawy dlo wielu S’loonzokow, kerzy sie go uobrali i nojbarzyj upodobali. Wiela tysiyncy Jego figur, uobrazoow, kaplicek
i kos’ciouoow znojduje sie na S’loonsku. Som uone pamiontkom wielgego kultu ksiyndza z Pragi.
Pies’n’ wspomino tyrz imie jego przes’ladowcy, Kroola Czech, Wacuawa, kery kozou Go wciepnonc’ z kamiyniym muyn’skiym przy karku z mostu Karola do Weutawy.
Wies’c’ uo mynczyn’skiyj s’mierci ksiyndza rozeszua sie po coukich Czechach, a potym
i S’loonsku, kery nolerzou wtedy do czeskiyj Korony.
Tyn mynczynnik sakramyntu pokuty, patron spowiedzi, hronioncy uod powodzi, jak Go przedstawiali ludowi downi kaznodzieje, tak doprowdy bou uofiarom politycnyj zwady miyndzy Kroolem i praskiym arcybiskupym.
Na S’loonsku niy bouo wtyncos chyba kos’cioua, w kerym niy bouoby figury cy aby uobrazu Jana Nepomucena.
Takom popularnos’ciom niy cieszou sie na S’loonsku jurz potym rzodyn inny s’wiynty!
Polityka boua dlo ludzi niyzrozumiauo, przez to kaznodzieje przedstawiali Go jako cowieka
wiernego zasadom ludzkim i boskim. A rze bou Uon wtedy jedynym z mynczynnikoow, kery
uostou utopiony, totyrz stou sie patronym hronioncym przed powodziom, kero uod wiekoow
zagrorzaua na S’loonsku. I besto nad wieloma rzekami, przy mostach, na coukiym S’loonsku
spotykomy Jego figury.
Na ta symbolika mostu zwrociou nom uwaga w swoji gos’cinnyj homilii ksiondz kanonik
Jan Gacka, byuy proboszcz z sonsiedniego Chropocowa.
Bo most, to konstrukcjo, kero uoncy sonsiednie brzegi rzyki, abo miejsca lerzonce na rurznych wysokos’ciach.
Uodnios to do symboliki konstrukcji uonconcych rurznych ludzi miyndzy sobom i ludzi z Bogym.
Tyn symbol porozumiynio przez pokuta i pojednanie, ofiara politycnych intrygt, przestrzegou przed niom.
I terozki korzdy zrozumi, co leguo u podstawy s’loonskiyj tradycji porozumiynio
i pojednanio. Dystansu uod polityki.
Jak couki norood wyznowou za Janym Nepomucynym wiernos’c’ zasadom ludzkiym i boskiym, a przy tym skory bou do pojednanio i pokuty, trzymou sie z daleka uod polityki, to bouy przez to warunki do zgody i wspoupracy wszystkich z wszystkiymi.
Nie stou sie Uon niestety przestrogom dlo wspouczesnego mynczynnika, kery jak Uon zostou bestialsko zamordowany i wciepniyntu do rzeki - ksiyndza Popieuszki.
Dlo nos morze byc’ dali wzorym, a i dlo naszych dzieci, bo dali wielgie znaczynie mo wyksztaucynie, mondros’c’ i dobroc’ kapuana, kery stroniou uod polityki, ale z powodu swoi wiedzy uostou uwikuany w intryga i przypuaciou to rzyciym.
Jego przesuanie, tak znane i respektowane downiyj, niy jest jurz dzisioj modne i niy jest jurz niystety powodym do zamys’lynio.
Morze przyczynom som kolejne „powodzie i fale” ludzkie, kere rozciyn’czouy i uosuabiouy s’loonsko wiernos’c’zasadom ludzkiym i boskiym? A morze przyczynom jest to, rze wielu pociongo polityka?
Niykerych pociongo uona nawet w Piekarach, kaj zamiast prosic’ Matka Bosko uo uochrona przed kolejnymi zarazami, choc’by bezrobociym, robiom co roku politycne gesty.
Jo Wom radza, podejcie sie kamraci rynce i mocno us’ cis’nijcie na suowa „ przekarzcie sobie znak pokoju”, jak my z Bernatym, kery jak co roku pryjechou z Rajhu „ na biouych blachach” do swojich, jak i mojich ukochanych Uogewnik S’loonskich na uodpust i z kerym mi trefiouo siedziec’ na mszy w jednyj uawce. My uoba bydymy dalij propagowac’ mondros’c’ naszego, uogewnickego, ale i s’loonskego s’wiyntego, bo jego wiernos’c’ zasadom ludzkiym i boskiym morze zas’ niydugo byc’ w cynie!
A jak niy posuchocie, to tacnymy do Niego rzykac’ o uodpuyw „fali ludzkiyj” kero nos uod poru lot podtopio! Zrobiymy Go patronym „UODPUYWOOW” !!!