W mojih ukohanyh Uogewnikah S’loonskih do tego papiyskego bogosuawiyn’stwa szykujymy sie dugo.

Uo Adwyncie i Roratah jurz wiycie, ale niy wiycie uo s’wiateuku betlyjymskym.

Idzie uoono doo nos z Betlejym, z Groty Narodzynio Pan’skego za sprawoom skautoow.

Nojprzood austrijackih, potym suowackih, a na kooniec s’loonskih harcerzoow, kerzy je przyniys’li bezrok ze Czynstohowy.

Tego roku tyrz, Naczelny Kapelan Harcerzoow przypoomniou noom wszystkim Krystusowe suowa, tak mocno zaakcyntowane przez Uojca S’wiyntego w Toroonto na spotkaniu
z modymi: „Wy rzes’cie s’wiatuym s’wiata”.

S’wiatuo jest oryndziym prowdy, pokoju i nadzieje.

Betlejymske S’wiatuo Pokoju przyuazi doo nos jako borzy, bezinteresowny dar, coby uogrzoc’ nasze serca i uos’wiycic’ nasze rozumy.

Harcerki i harcerze zanoszoom je do swojih rodzin i bliskih.

A soom do tego sposobni, bo przeca s’piywajoom zowdy przy swojih ogniskah:
„Wszystko co zue to szuko ciynia, do s’wiatua dobro garnie sie”.

Roznoszoom nadzieja przeciwko lynkowi, pojednanie przeciwko niynawis’ci.

Naczelnik wzywou tego roku, coby rozniys’li je po coukym kraju i za wshodnio granica.

Mys’la rze tak tyrz zrobiyli.

A Jo, bo moom nadzieja rze dotaruy do Wos moje kartki z symbolicznym s’wiatuym, Betlejymskym S’wiatuym Pokoju, posyuou rzeh je do skautoow, ale i niyskautoow na Zahood, do S’loonzokoow i niy ino, coby naprawic’ jego zapoomliwos’.

Bo we wszystkih stroonah s’wiata soom Ci kerzy potrzebujoom ciepua i naszyj pamiyn’ci,
ale nade wszystko nadzieje.

Po wieczerzy uomanie uopuatkoow, rzyczynia i wspoolno Pastyrka.

Powrocauy tyrz te uobrazy z gliwickego lotniska, kaj my na Niego czekali.

A potym ta rados’c’, kej jednak doo Nos przyleciou i prosiou uo wyboczynie skuli swyj niymocy. Jak hwolou naszo wytwauos’.

Kej noom pedziou, rze my soom DOOMA.

Wiela tyrz uo NADZIEJI bouo w papiyrzowym posuaniu przed bogosuawiyn’stwym
w drugi dziyn’ S’wioont.

Bouy tyrz Jego rzyczynia w 60 rostomajtyh jynzykah.

Nawet dlo Brytana w jego serbskym.

A w naszym?

Uostoon’my przy NADZIEJI !

Korzdego roku poonos’ ih przybywo.

A nasz UOON jurz zno!